Takimi i ministres së Infrastrukturës dhe Energjisë, Belinda Balluku me banorët që kundërshtojnë ndërtimin e dy hidrocentraleve në lumin e Urakës në Kurbnesh u zhvillua me një incident.
Një nga zyrtarët e bashkisë, i theu celularin një banori, i cili po filmonte takimin. Kjo ka sjellë dhe një situatë të tensionuar, ndërsa u desh ndërhyrja e ish-ministres Lindita Nikolla që situata të qetësohej.
Por ish-kryeministri Sali Berisha thotë se zyrtari që bëri këtë veprim është Lazdër Beci, drejtori i mirëmbajtjes së rrugëve. Sipas denoncimit të Berishës ai ka bërë 4 vite burg në zvicër në burg dhe tani është drejtor në Bashkinë e Mirditës. Edhe më herët Berisha ka hedhur akuza ndaj Lazdër Becit, sa i përket një sasie kanabisi që u kap në vitin 2016.
POSIMI I VITIT 2016
Qytetari dixhital denoncon: Droga e kapur në Rrëshen është e Ndrec Dedës dhe grupit të tij. Në grup, kryesor është Lazdër Beci, drejtori i mirëmbajtjes së rrugëve!
“Droga e kapur ne Rreshen, i nderuari Zoti Berisha, eshte e grumbulluar nga grupi i kryetarit te bashkise, Ndrec Deda. Pjese e ketij grupi te rendesishem edhe edhe drejtori i mirmbajtjes se rrugve Lazder Beci, qe ka ndrruar emrin ne Iliaz Beci ne Selite, qe ka monitoruar gjithcka e gjithe kohes, duke pasur bekimin e kryebashkiakut dhe te policise vendore. Paraprakisht, disa fshatrave te izoluara, qe kane qene te mbjella totalisht me kanabis, kane filluar t’u hapin ca rruge me fadroma, per te marre mallin e per ta grumbulluar ne ate magazine, e cila ka qene nen hyqmin e plote te Ndrec Dedes./Opinion.al
