Partia Demokratike ka reaguar pas kërkessë për regjistrim të koalicionit mes Komisionit të Rithemelimit, LSI dhe Partisë Demokristiane për zgjedhjet e 6 marsit.
Në një reagim të publikuar në faqen zyrtare të PD në “Facebook” thuhet se ish-kryeminsitri Sali Berisha zyrtarizoi partinë e vjetër Meta-Berisha-Rama që simbolizon, korrupsionin, politikën e vjetër dhe lajmet e rreme.
Më tej, në reagim thuhet se kandidati i Dibrës është bashkëshorti i gjyqatares që sipas PD, mbrojti qeverinë për dosjen “184”, ndërsa kujton komunikimin privat të deputetit Flamur Noka me ministrin e Drejtësisë, Ulsi Manja.
Sipas PD, ky koalicion ka për qëllim të dëmtojë PD dhe të bëhet strehë mbrojtëse për presidentin Ilir Meta dhe Berishën.
DEKLARATË E PARTISË DEMOKRATIKE TË SHQIPËRISË
Më në fund Sali Berisha zyrtarizoi partinë e vjetër Meta-Berisha-Rama që simbolizon gjithçka që nuk shkon në Shqipëri:
Korrupsionin;
Politikën e vjetër;
Lajmet e rreme dhe disinformimin.
Kandidimi në Dibër i bashkëshortit të prokurores që mbrojti bandën e Edi Ramës, duke mos hetuar Dosjen “184” të vjedhjes së zgjedhjeve në Dibër, është provokim i rëndë për çdo demokrat dibran që masakrën zgjedhore e provuan të parët në 2016.
Premtim Kryemadhi mund të jetë kushëriri i Monika Kryemadhit, mund të jetë edhe bashkëshorti i prokurores që mbrojti dhe shpëtoi nga burgu Edi Ramën dhe bandën e tij, por me PD dhe demokratët nuk ka asnjë lidhje.
Kandidimi i tij shpjegon më së miri edhe komunikimin privat të Flamur Nokës dhe Ulsi Manjës. Kandidatin e koalicionit “Non-Grata” e kanë zgjedhur bashkërisht. Ulsi Manja, nëse bashkëshortja e kandidatit të Flamur Nokës në Dibër do të zbatonte ligjin dhe do hetonte Dosjen “184”, do ishte në burg dhe jo në krye të Ministrisë së Drejtësisë.
Partia e vjetër Meta-Berisha-Rama ka 2 qëllime:
- Të dëmtojë PD dhe demokratët;
- Të bëhet strehë mbrojtëse për Metën dhe Berishën.
Ajo është streha për Ilirin dhe Saliun.
Zgjedh Ramën, mban Berishën dhe Metën!
Zgjedh Berishën dhe Metën dhe mban Ramën!
