Ish-Kryeministri Sali Berisha përmes një statusi në Facebook bëri të ditur në mesditë se ka marrë sms kërcënuese nga Besnik Sula, i njohur ndryshe edhe si Beso i Tajvanit, për pronësinë që ka në ketë kompleks.
Kjo sipas tij ka ardhur pas denoncimeve për tenderin korruptiv të parkingjeve tek parku Rinia.
“Denoncova grabitjen në prag të Vitit te Ri nga Edivin Kristaq Rama të Parkut Rinia të Tiranës duke ia dhënë në kundërshtim me çdo ligj, si koncesion Parkun për ndertimin e një parkingu gjigand Besnikut të falimentuar apo siç thirret ne gjuhën e vllazërise “çorapja” e pa”tisë”. Kështu shkruan Berisha.
Më tej, shton se “Edvini dhe Olsi qëndrojnë pas Besit të falimentuar për keto arsye: Në të vërtetë ky koncesion ka nisur në kohën kur Edi Rama ishte kryetar Bashkie dhe bleu me emrin e Besnikut apo “çorapes’ mijëra metër katror tokë në parkun Rinia me çmimin qesharak 12 lekë metrin. Ditët e fundit të vitit që kaloi, per të bërë të mundur këtë aferë korruptive të tij, Edi Rama miratoi vendimin e Qeverisë për dhënien me koncesion privat parqet publike”.
Berisha thotë se në kundërshtim me ligjin Rama urdhëroi që si firmë për koncesionin të perdoret firma e Besos së Taivanit, i cili e ka pasurinë nën sekuestro për falimentim kurse i vëllai i tij për drogë.”
“Edi Rama urdhëron fallangat e tij të krimit të heqin çorapen nga koka dhe të nxjerrin në shesh fytyren e vertetë, të kërcenojnë në emer të tij”, shkruan Berisha. Dhe kërcënimi është ky: “Beso i Tajvanit jam. Po si stë vjen turp që ke 15 vjet që merresh me mua! Tani që je deputet i thjeshtë po e kuptoj që e ke personale. Dhe unë të garantoj që do ta bëj më shume se personale. Tani do më njofësh!”
Berisha vijon: Dua të garantoj Edvin Shullazin se kërcënimet në emrin tënd dhe të gjitha çorapeve, maskave, koskave mafioze, trafikantëve, vrasësve, pengmarrësve të Shqiperise jo qe nuk do me pengojne kurrë por vetem se me shtojne vullnetin tim te hekurt per te te denoncuar publikisht aferat tuaja te pista, lidhjet tuaja primitive me krimin dhe mafien.
