TIRANE- Ish-Kryeministri Sali Berisha ka denoncuar sot një aferë korruptive me dekoderat Digitalb. Bëhet fjalë për pajisjet që u shpërndanë për shtresat në nevojë me rastin e festave të fundvitit, tender i ky i bërë nga ministria e Mirëqenies Sociale.
Sipas tij, dekoderat nuk mund ti marrin personat me ndihme ekonomike sepse asnjë person që ka televizor në shtëpi nuk lejohet te marre ndihme ekonomike.
Por kjo është vetëm njëra anë e medaljes, kush e mori tenderin dhe si u zhvillua ai?
Tenderi është fiktiv thotë Berisha. E fitoi kompania me ofertën më të lartë me 169 666 596 lekë nga 170 milionë lekë që ishte vlera limit e tenderit. “Pronari i kompanie TBS96 është Artan Xhori ortaku i Carlo Bolinos”, sqaron me tej ai.
Berisha thotë se KLSH ka gjetur në RTSH pasije të vjetra të faturuara për të reja. Berisha thotë, gjithashtu, se Milena Harito e mori këtë person në sekretariatin teknik me qëllim pengimin e digitalizimit dhe berjen e tij nga Carlo Bolino.
Berisha pretendon se kjo strategji u pengua nga ndërkombëtarët, ndaj Rama bëri një strategjinë e re: Atë të komandimit të tregut me anë të dekoderave Digitalb.
Duke u kthyer tek tenderi, Berisha shprehet se RTSH, që eshte ndërtuesi i vetëm i platformës digitale nuk është pyetur as formalisht për kompatibilitetin e dekoderave Digitalb që ka blerë kompania TBS96. “Qëllmi i vetëm i Ramës është të funksionojë Digitalbi”, shprehet Berisha.
Berisha denoncon edhe një aferë tjetër të Ramës me Bolinon. “Kompanisë TBS96 i janë dhënë 1 miliardë lekë (pa tender) për furnizime paisjesh radiolink për updatimin e rrjetit TIMS”. Sipas tij, Carlo Bolino (botues i Shqiptarja.com dhe Report TV) solli të tjera pajisje nga ato që këkonte rrjeti, ndaj kriminelët sot e kanë më lehtë të kalojnë kufirin.
