Kreu i Partisë së Lirisë Ilir Meta ka komentuar deklaratën e kreut të PD, Sali Berisha i cili foli për një koalicion të PD me Partinë e Lirisë në zgjedhjet e ardhshme vendore. Meta përshëndeti nismën e PD për primaret ndërsa shtoi se në rastin e një koalicioni do ishte ide e mrekullueshme për të zgjedhur kandidatët më të mirë.
“Kjo është çështje me rëndësi, në kushte të një pushteti vendor ilegjitim, ku opozita s’ka asnjë këshilltar në Shqipëri, i ftoj opozitarët të forcojnë monitorimin ndaj vendimeve të Këshillave Bashkiake, kudo ka afera lokale sepse s’ka kontroll nga opozita, dhe ne padyshim që do bashkëpunojmë me forcat e vërteta opozitare. Përshëndes idenë e primareve që ka futur Berisha, dhe në rastin e një koalicioni do ishte ide e mrekullueshme për të zgjedhur kandidatët më të mirë. Do bashkëpunojmë në mënyrë më transparente, me rëndësi qytetarët të marrin në dorë pushtetin vendore, dhe do bëjmë përpjekje që kjo këtë ndodhë para zgjedhjeve vendore. Përgjegjës është vetëm Edi Rama për këtë situatë”-tha Meta.
