TIRANË- Sali Berisha duke dalur nga seanca e ditës së sotme e cila përfundoi për një orë e gjysëm dhe opozita gjatë gjithë kohës protestoi tha se “ky parlament duhet të shkrihet pasi ka pervetësuar pushtetin e Gjykatës Kushtetuese”. Shqetësimi i Berishës ka të bëjë me mosfutjen në votim të kërkesës së opozitës për heqjen e mandatit të Rakip Sulit dhe Valentina Leskajt.
Duke folur në oborrin e Parlamentit Sali Berisha u shpreh:
Prej më se 3 javësh vazhdon grushti i shtetit brnda shtetit. Është pervetësuar fuqia e gjykatës kushtetuese, pushteti i saj është marrë nga parlamenti. Vazhdon bllokimi në Parlament për heqjen e mandateve të deputetëve që kanë përvetësuar nga fondet publike. Kjo situatë meriton shkrirje të parlamentit në kushtet kur ka konsumuar aktin e rëndë të grushtit të shtetit.
E ftoj opozitën të marrë vendimin sepse një situatë e tillë është kazmë në themelet e shtetit. Këta qeveritarë për të mbrojtur kusarët shkelin harbutërisht mbi vendimet e Gjykatës.
Ftoj gjykatën Kushtetuese të mos pranojë të shkelmohen vendimet e saj.
Ndërsa Presidenti nuk e ka kompetencë të shkrijë parlamentin por duhet të konsultohet për të marrë këshillën juridike për të shprehur qendrimin ndaj këtij akti antikushtetues. /Opinion.al
