Kryetari i PD, Sali Berisha thotë se kreu qeverisë Edi Rama shkoi në Bruksel si monist, pasi nuk ftoi asnjë anëtar nga opozita në hapjen e negociatave me BE.
Berisha tha se nëse Rama do e kishte ftuar për të qenë i pranishëm në këtë ditë të rëndësishme për vendin, do të kishte shkruar, por nuk do kishte shtrëngim duarsh mes tij dhe kryeministrit.
Krryedemorkati tha se shtrëngimi i duarve me Ramën nuk do të ndodh kurrë, teksa shtoi se nëse do kishte shkruan në Bruksel do të përfaqësonte qytetarët demokrat.
Berisha: Shkoi në Bruksel si monist, njëlloj sikur të shkonin paraardhësit e tij. Mos u çuditni. Do ju tregoj një gjë nga historia, por të vërtetë. Nga viti ’86, qeveria hungareze dhe qeveria rumune, zhvillojnë tratativa të fshehta me Brukselin për t’i pranuar në BE. Brukseli u përgjigj, jo, tha, ju nuk mund të pranoheni sepse jeni në sferën e Bashkimit Sovjetik. I vetmi vend, e thanë në konfidencë, nga ish-komunistët që mund të pranohet është Shqipëria…por Shqipëria ishte armik me të gjithë botën. Nuk ka dyshim që ky shkoi si monist në Bruksel. Ndaj unë e kam shpallur atë armik të lirisë së shqiptarëve. Natyrisht, po të ftonte do shkoja. Por ta harrojë se do të kishte shtrëngim duarsh me mua. Nuk mund të ndodhte kurrë ajo. Do të shkoja për të përfaqësuar ju, aspiratat demokratike të shqiptarëve. Pra, shkoi si monist, u kthye si monist. Natyrisht me dosjen në shpinë të inceneratorëve, me dosjen e Portit të Durrësit.
