Qendra e Operacioneve Tregtare Detare e Mbretërisë së Bashkuar (UKMTO) raporton se një anije e dytë është qëlluar në Ngushticën e Hormuzit.
UKMTO, e udhëhequr nga Marina Mbretërore Britanike, thotë se një anije mallrash në nisje raportoi se u qëllua me armë zjarri, tetë milje detare në perëndim të Iranit dhe tani është ndaluar, shkruan BBC.
Thuhet se nuk ka dëme dhe ekuipazhi është “i sigurt dhe në gjendje të mirë shëndetësore”.
“UKMTO është në dijeni të niveleve të larta të aktivitetit në zonën SoH [Ngushticës së Hormuzit] dhe i inkurajon anijet të raportojnë çdo aktivitet të dyshimtë.”, thuhet në deklaratë.
Kjo vjen pas një sulmi ndaj një anijeje kontejnerësh 15 milje detare në verilindje të Omanit nga Korpusi i Gardës Revolucionare Iraniane (IRGC), sipas UKMTO-së.
