Pas dështimit të negociatave për bashkim, duket se PD do të shkojë e ndarë në zgjedhjet e 14 majit.
Kryetari i PD, Sali Berisha deklaroi gjatë një interviste në “ABC”, Berisha tha se qëndrimi i Alibeajt është qëndrim kundër demokracisë dhe se veprimi i tij i fundit është akt terrorist ndaj Partisë Demokratike.
Por, gjithashtu, kryedemorkati theksoi se dyert e PD janë të hapura për të rinisur negociatat e bashkimit.
“Të marrësh flamurin e një partie ti mban qëndrimin më talebanesk terrorist ndaj kësaj partie. Ata që mendojnë të konfiskojnë flamurin e PD i kanë shpallur luftë PD-së. Në pamje të parë është ajo që thoni ju, një dështim i parashikuar, për mua nuk është i tillë”,- tha Berisha.
