Ish-kryeministri Berisha thotë se në Shqipëri duhet aplikuar praktika e testimit të gjerë.
Ai ka argumentuar në një status në Facebook, se vende që aplikuan këtë sistem si Gjermania dhe Korea e Jugut kanë shkallë vdekshmërie më të ulët se të tjerat që nuk testuan gjerësisht.
“Gjermania dhe Korea e Jugut qe testuan gjeresisht e kane perkatesisht 0,23% dhe 0;87% vdekshmerine nga koronavirusi kundrejt 6,8%dhe 3,42 % qe e kane Italia dhe Spanja qe nuk nuk testuan gjeresisht” shkruan Berisha.
Ai hedh poshtë argumentin se diferenca në vdekshmëri midis Italisë dhe Koresë së Jugut është nga struktura e vecantë demografike dhe për këtë përdor rastin e Gjermanisë.
“Dallimet ne strukturen demografike midis Italise dhe Korese se Jugut jane reale. Por vetem injoranca mund te shtyje te besosh se diferenca e madhe ne vdekshmerine nga koronavirusi midis ketyre dy vendeve ka si shkak strukturen e ndryshme demografike moshore te popujve te ketyre dy vendeve dhe jo praktikat e ndryshme te testimit per koronavirusin.
Gjermania me 300 qendrat e saj jospitalore te shendetit publik ka bere shoshitjen me te mire me testin e koronavirusit dhe ka nje strukture demografike e moshore te popullates plotesisht te krahasueshme me Italine. Ajo eshte vendi qe deri sot ka vdekshmerine me te ulet nga kjo viroze, mbi kater here me te ulet se sa Korea e Jugut dhe dhjetra here me te ulet se sa Italia dhe Spanja”, argumenton ish-kryeministri.
Duke marrë shkasë nga direktiva e fundit e OBSH-së, Berisha bën thirrje që ajo të zbatohet dhe gjithashtu propozon që procesi i tesitmit të decentralizohet në 4 rrethet më të mëdha të vendit.
Grupi socialist paralamentar e ka paditur penalisht ish-kryeministrin Berisha për përhapje të informacionit të rremë dhe panikut në popullatë.
Prokuroria e Përgjithshme e dërgoi sot dojsen në Prokurorinë e Tiranës duke thënë se ajo është nën kompetencën e saj. /Opinion.al
