Aktualitet

Berisha: Afera e portit të Durrësit, më e madhe se ajo e Inceneratorëve



Bëhu pjesë e Grupit Zyrtar të Opinion.al
>> KËTU <<
               Publikuar në : 20:10 - 08/11/22 |
Opi Nion

Kreu i PD, Sali Berisha, në një takim me sipërmarrësit të zhvilluar këtë të martë ka deklaruar se afera e Portit të Durrësit në vendin tonë mund të jetë 10 herë më e madhe se ajo e Inceneratorëve.

Berisha u shpreh se kjo aferë shkon deri në 5 mld euro, trualli mbi 1 mln euro katrorë teksa akuzoi qeverinë se nuk ka të ndalur me vjedhjen e pasurive publike.

Sipas kryedemokratit, qeveria bën kontrabandë nafte me cisterna dhe ua shet qytetarëve me çmim më të shtrenjtë.

“Nuk mund të kemi ne qëllim më të madh se suksesin tuaj. Energjia do kthehet në nivelet që ka qenë e 6 lekë kilovati. Kontributet shoqërore do përgjysmohen. Taksa mbi kapitalin nuk do ekzistojë. Tarifat absurde të qeveritarëve vendorë nuk do të mund të jenë kurë këto që janë. Këto janë vetëm disa aspekte por programin për një klimë miqësore ndaj biznesit do ta hartoni ju me ekspertët tanë. Ne jemi para evenimenteve të mëdha dhe një situate kritike. Jemi në përballje me këtë regjim që ka si qëllim largimin masiv të shqiptarëve nga Shqipëria, vjedhjen e tyre dhe varfërimin e tyre.

Kjo qeveri ka shndërruar administratën e vet në një kopsht dhe serë të nxehtë për hajdutët. Kualifikon hajdutë. Por si ndodh kjo. Kur kryeministri vendos të vjedhë me firmë për djegësa që nuk ekzistojnë kund. Kjo e djegësave nuk është afera më e madhe. Një aferë tjetër 10 herë më e madhe se kjo mund të jetë afera e Portit të Durrësit. Një kompani e lidhur me Kalicët e Beogradit. Prandaj nuk zbulohen. Kjo aferë e Durrësit shkon deri në 5 mld euro. Trualli mbi 1 mln euro katrorë. Dubai parajsa e Edi Ramës. Nuk kanë të ndalur këta në vjedhjen e pasurive publike. Çfarë subvencionesh keni marrë ju për çmimin e naftës. Asgjë.

Për energjinë? Asgjë. Ai u rrit për të vjedhur ju. Këtë vit është prodhuar 100% e gjithë energjia që konsumohet me tarifa të rregulluara në Republikën e Shqipërisë. 100%. Këta shesin energji tek agjentët e tyre me çmim qesharak dhe ku agjenti e shet jashtë me 4-5 fish çmimin dhe ndajnë paratë. Pse nafta është më e shtrenjta. Sepse kontrabanda e naftës është 250 mijë ton minimumi. Kontrabandë pa qeverinë nuk bën dot askush. Me banane nuk vjen nafta. U vjen kokaina këtyre. Nafta vjen me cisterna, me anije. Kjo është e vërteta. Dhe transporti publik nuk subvencionohet asnjë qindarkë”, deklaroi Berisha.

Pas