Presidenti Meta ka zbuluar disa detaje nga kërkesave që ka parashtruar në mbledhjen e Këshillit të Sigurisë.
Në një intervistë televizive, Meta tha se “qëllimi i mbledhjes ishte për tu bashkërenduar më mirë në veprime të përbashkëta të institucioneve” për përballimin e situatës .
“Në mënyrë më specifike është kërkuar sa më shpejtë një sistemim të qytetarëve në varësi të rrethanave të tyre. Së dyti kam kërkuar edhe që sa më shpejtë të kemi një verifikim sa më të sigurt të banesave, nëse duhen rikonstruktuar apo të shemben dhe është shumë e rëndësishme që të kemi dokumentacion të besueshëm për institucionet ndërkombëtare për rehabilitimin e situatës. Është e rëndësishme të përballohet situata. Ka përpjekje ka organizim por ka dhe konfuzion. Duhet të jemi sa më pranë qytetarëve.”, tha Meta.
Pyetur në lidhje më komunikimin me kryeministrin me të cilin Presidenti është në një konflikt institucionale, Meta tha se thirrja e mbledhjes së Këshillit të Sigurisë është bërë në respekt të detyrës së tij Kushtetuese.
“Thirrja është bërë në përmbushje të detyrave të mia nuk nisem nga sjellja e aktorëve të caktuar, ajo është përgjegjësia e tyre. Unë nisem nga detyra ime kushtetuese. Për mua është e rëndësishme të përbush detyrimet pavarësisht qëndrimeve të aktorëve të tjerë”, deklaroi ai. /Opinion.al
