I ka dhënë fund karrierës me kombëtaren franceze, sulmuesi Karim Benzema. Lajmi është konfirmuar nga vet lojtari nëpërmjet një postimi në rrjetet sociale.
“Kam bërë përpjekje dhe kam bërë gabime për të qenë ky që jam sot. Dhe unë jam krenar për këtë. Kam shkruar historinë time dhe historia jonë po merr fund”, ka shkruar Benzema nën foton e tij me fanellën e Francës në rrjetet sociale.
Kujtojmë se në vitin 2021, Karim Benzema u kthye në kombëtaren franceze pas një pauze të gjatë. Më parë Didier Deschamps nuk e thirri sulmuesin për shkak të një skandali me Valbuena. Benzema garoi në Euro 2020, por humbi Kupën e Botës 2022 për shkak të dëmtimit.
Në total, Karim Benzema bëri 97 paraqitje për kombëtaren franceze. Sulmuesi shënoi 37 gola dhe dha 20 asistime.
