Gazeta belge “Het Niewsblad” publikoi sot foton e terroristit të akuzuar për sulmet në Paris të marrë nga ambientet e qelisë.
Ndërsa, shërbimet e burgut ku mbahet Salah Abdeslam kanë nisur hetim për të zbuluar se kush ka publikuar fotot e tij në media.
Autoritetet thonë se bëhet fjalë për një foto zyrtare të marrë nga regjistri i burgut të sigurisë së lartë në Bryzh.
Abdeslam u arrestua më 18 mars. Në foton nga burgu ai duket më mjekër dhe më flokë më të gjata, kjo për shkak të regjimit të fortë në burg.
Punonjësit e burgut e cilësojnë 26-vjeçari si të burgosur model pasi atyre nuk u duhet të raportojnë asnjë shkelje të tij.
