Ka më pak se 6 muaj që aktivizohet në kampionatin amerikan të futbollit në radhët e Los Angeles Galaxy, por Zlatan Ibrahimovic mendon sërish për Manchester United.
Gjigandi suedez, i cili ka shënuar 11 herë në 14 paraqitje me fanellën e LA ka zbuluar se ishte i gatshëm të luante edhe pa para për “djajtë e kuq”.
“Diskutimi nuk ishte për kontratë apo për të fituar para, ishte e kundërta. Unë iu thashë, ‘Nuk dua pagë, mund ta mbani atë’. Mendja mund të jetë gati por gjuri nuk ishte. Pas lëndimit, i thashë vetes ‘Unë nuk jam ende i gatshëm’. Ata kishin një Zlatan më herët. Pas lëndimit, nuk isha i gatshëm të jem ai Zlatan përsëri”. Kur grumbullohesha për ndonjë takim, unë isha i gatshëm. ’ Unë u ngrita dhe e bëra këtë, edhe pse jam Zlatan.”-deklaroi Ibrakadabra.
Sulmuesi suedez kishte pësuar një lëndim të ligamenteve gjatë sezonit të tij të parë me klubin anglez, ku arriti të shënoi 28 gola.
