Përzgjedhësi serb i Sllovenisë, Igor Kokoskov, ka folur në superlativ për basketbollin e Kosovës.
Në një prononcim për gazetën serbe “Blic”, ai theksoi që në Kosovë ka kaluar për mrekulli, edhe pse ishte për herë të parë. “Për herë të parë isha në Kosovë. Në disa momente në ndeshje madje edhe kemi humbur, por unë e kam ditur se do të jetë vështirë, pasi rruga ishte e lodhshme. Kemi fjetur në Prishtinë, ndërsa kemi luajtur në Mitrovicë, që është rreth një orë rrugë. Kjo nuk ishte për arsye të sigurisë, por pasi FIBA ka vlerësuar se palestra në Prishtinë nuk është adekuate”, deklaroi Koskoskov. “ Por ne kemi pasur kushte të mira, ishim në një hotel të shkëlqyeshëm dhe në asnjë moment nuk kemi pasur gjëra të pakëndshme apo ndonjë provokim. Të kënaqur e lëshuamKosovën”, shtoi ai.
