Shkarkimi i Claudio Ranieri ka shtangur Premier League dhe jo vetëm. Ai që ka marrë në mbrojtje King Claudio është edhe kolegu i tij Jose Mourinho. Trajneri portugez i United, në profilin e tij në “Instagram”, ka dashur t’i bëj homazh duke postuar një foto që e tregon duke qeshurm, me poshtë mesazhin: “Kampion i Anglisë dhe trajneri i vitit nga FIFA, i shkarkuar. Ky është futbolli i ri, Claudio. Ruaj buzëqeshjen miku im, asnjë nuk mund të shuajë historinë që ke shkruar.”
Por jo vetëm kaq, “Special One” është prezantuar në konferencën për shtyp, duke mbajtur një bluzë ku ishin shkruar iniciale C.R (Claudio Ranieri), një tjetër tregues për respektin karshi italianit. “Postimi im në “Instagram” ishte një kujtim i vogël për atë që ka shkruar një nga pjesët më të bukura të historisë së Premier League. Stadiumi i Leicester meriton të quhet “Claudio Ranieri Stadium”.
Më pas Mourinho shtoi: “Eshtë shumë e vështirë për t’u pranuar një shkarkim i tij, por e rëndësishme është të kuptojmë se çfarë është bërë futbolli dhe të reagojmë. Jam shkarkuar edhe unë pas titullit kampion, por ajo që ka ndodhur me Claudio nuk krahasohet. Askush nuk mund të bëj atë që bëri ai në sezonin e kaluar dhe nëse ka pak të vërtetë te arsyet që kam dëgjuar përse e kanë shkakruar, atëherë bëhet edhe më e vështirë të gjesh fjalët për ta ngushëlluar.”
Sipas Mourinho, Ranieri ka paguar çmimin e suksesit. “Nëse do ta kishte mbyllur në vendin e 13-të kampionatin e kaluar të gjithë do ta përgëzonin dhe tani që është në luftë për mbijetesë do të vazhdonte të ishte trajner i Chelsea. Faji i Ranieri është që fitoi titullin me Leicester! Futbollistët kanë nisur të mendojnë për kontrata dhe ekipe të reja. E ngushëlloj Claudio dhe e ftoj të mbrojë fort parimet e tij.”
