Partia Demokratike ditën e sotme ka bërë sërish përgjegjëse qeverinë dhe kryeministrin Rama për humbjen e gjyqit në arbitrazh me biznesmenin italian Becchetti.
Nëpërmjet një dalje për mediat, Tabaku është shprehur se Rama, Engjëll Agaçi, Erion Veliaj dhe Avokatura e Shtetit do të paguajnë me pasuritë e tyre faturën prej 110 milion euro.
“Kush ka përgjegjësi për faturën 110 milionë euro, që nga Edi Rama, Erion Veliaj, Engjëll Agaçi, Avokatura e Shtetit dhe kushdo qoftë, jo vetëm do të shkojnë para drejtësisë, por do të paguajnë me pasurinë e tyre dëmin 110 milionë euro.”- u shpreh Tabaku.
Ndër të tjera Tabaku thekson se me ardhjen në pushtet të qeverisë Basha pas 25 prillit, çështja e Becchettit dhe mbylljes së televizionit “Agon Channel” është ndër të parat që do të hetohet.
“Me fitoren e zgjedhjeve në 25 Prill, afera 110 milionë euro do të jetë një nga çështjet kryesore që qeveria e Partisë Demokratike do të hetojë.”- tha Jorida Tabaku./Opinion.al
