Bashkimi Evropian është dakordësuar lidhur me për shtyrjen e Brexit-it, ose ndryshe daljes së Britanisë nga BE deri më datën 31 janar të vitit 2020.
Presidenti i Këshillit Evropian, Donald Tusk u shpreh përmes një postimi Tëitter se vendimi pritet të formalizohet përmes një procedure të shkruar.
Afati i mëparshëm për Brexit ka qenë 31- tetori. Ambasadorët e vendeve të BE-së kanë rënë dakord në parim për shtyrje që prej të premtes, pasi kancelari britanik, Sajid Javid ka pranuar se ky afat nuk mund të përmbushet.
Britania ka vendosur të largohet nga BE-ja në një referendum të mbajtur në vitin 2016. Që atëherë vazhdojnë edhe negociatat për një marrëveshje mbi kushtet e largimit.
Palët kanë arritur dy marrëveshje, por asnjëra nuk ka gjetur mbështetje të mjaftueshme në Parlamentin britanik.Kundërshtimet kanë të bëjnë kryesisht me politikat që do të zbatohen në kufirin me Irlandën, pas Brexit-it. Kjo është hera e tretë që shtyhet afati për Brexit.
Ndërkohë kryeministri britanik Boris Johnson është shprehur për të bërë zgjedhje të parakohshme në dhjetor./Opinion.al/
