Brexit ende nuk ka gjetur një marrëveshje në parlamentin Britanik. Gjë e cila e ka bërë të vështirë caktimin e një date kur Britania e Madhe do të mund të largohet nga Bashkimi Europian.
Presidenti i Këshillit, Donald Tusk, i parapriu të martën samitit urgjent që mbahet në Bruksel duke u propopozuar vendeve anëtare që ta zgjatin Brexit për një periudhë njëvjeçare.
“Nga përvoja e deritanishme kemi pak arsye të besojmë se procesi i ratifikimit të Brexit mund të ndodhë përpara qershorit. Një mundësi do të ishte një zgjidhje elastike e çështjes, që nënkupton zgjatjen për një kohë jo më të gjatë se një vit të procesit.”
Brexit ishte edhe theksi i takimeve që kryeministrja angleze pati një ditë më parë me kancelaren gjermane, Angela Merkel, dhe presidentin francez, Emanuel Makron.
Pas tre dështimesh për gjetjen e një marrëveshje në Parlament, May hodhi idenë për shtyrjen e afatit të Berxit.
Në Berlin, burimet thanë se Merkel është e hapur ndaj idesë së daljes së Britanisë së Madhe në fillim të vitit 2020, ndërsa nga Pallati i Elizesë janë kërkuar garanci që çdo shtyrje e mundshme nuk do të cënojë veprimtaritë e Bashkimit Europian./ Opinion.al E.Xh.
