Kreu i PD-së Lulzim Basha ka reguar përsëri në lidhje me grabitjen e ndodhur ditën e djeshme në aeroportin e Rinasit.
I ndodhur në qytetin e Vlorës, kryedemokrati ka komentuar vendimin e Ministrisë së Mbrojtjes për të marrë kontrollin e aeroportit të Rinasit.
Basha shprehet se dislokimi i Forcave Ushtarake në aeroportin “Nënë Tereza”, është një provë e rënies së shtetit dhe kapitullimit të policisë së Shtetit.
Sipas tij, përgjegjësi kryesor i grabitjes është kryeministri Edi Rama është dhe se për këtë arsye ai duhet të largohet.
Basha tha se koncesionari i Rinasit nuk duhet të largohet, pasi faji kryesor bie mbi autoritetet shtetërore.
“Në fund të një takimi të jashtëzakonshëm dhe plot energji në Vlorë, dua t’i kujtoj gjithë qytetarët shqiptarë që njeriu që solli krimin në Qeveri dhe parlament dhe për të mbrojtur aferat e tij me krimin shkatërroi drejtësinë dhe policinë shqiptare, është përgjegjësi kryesor për ngjarjen më të rëndë të sigurisë kombëtare që ndodhi sot në Rinas, cënimin e sigurisë përmes grabitjes së armatosur së linjës ndërkombëtare Tiranë-Vienë.
Ndaj ndonëse dislokimi i Forcave Ushtarake, në mënyrë të antikushtetuese jashtëligjshme, është një provë e rënies së shtetit dhe kapitullimit të policisë së Shtetit.
Është një provë e rënies totale të shtetit dhe kapitullimit të policisë dhe krimit asnjë alibi dhe fshehje mes aferave korruptive dhe kompanisë koncesionare nuk do mbulojë përgjegjësinë e Ramës, e ka sjellë vendin në kushtet e një grushti shtetit për të dislokuar trupat tani që policia ka dështuar për të kontrolluar sigurinë rendin. Ndaj rruga rruga e vetme për të rikthyer sigurinë, jo vetëm në Rinas, por kudo ku ajo është e tronditur nga tritoli nuk është as largimi i koncensorianit, por largimi i një orë më parë i Edi Ramës dhe bandës dhe në pushtet.”- u shpreh Basha./ Opinion.al E.Xh.
