BBC ka bërë një artikull të gjatë për vendin tonë. Në këtë shkrim trajtohen një sërë problematikash që nga regjimi komunist e deri të korrupsioni që ekziston sot në vend.
Artikulli nis me deklaratën e bërë nga ministri Michael Gove, i cili tha se Britania mund të ketë sukses pas daljes nga BE, pasi mund të bëjë tregti të lirë me vendet e Ballkanit, duke përmendur rastin e Shqipërisë. Mirëpo, thuhet se Shqipëria ka tjetër qëllim, anëtarësimin në BE. Në përpjekje për të lënë pas të shkuarën e errët, Shqipëria ka shumë për të bërë.
Në artikull thuhet se vendin ynë është cilësuar si Koreja e Veriut e Europës. Gjatë 45 viteve të komunizmit ose siç cilësohet në shkrim të tiranisë, rreth 3.5 milion shqiptarë kanë jetuar të izoluar dhe të mbyllur duke mos pasur asnjë kontakt me jashtë.
Më shumë se 34 mijë persona u burgosën, pasi kishin kundërshtuar sistemin dhe ata u quajtën të burgosur politik. Rreth 60 mijë të tjerë u dergjën për dekada të tëra në kampet e punës dhe një pjesë vdiqën atje. Tortura ishte e përhapur kudo, pasi 5.400 të burgosur politikë u ekzekutuan, shpesh pas gjyqeve të rreme.
Enver Hoxha ka kryer spastrime të shpeshta të liderëve ushtarakë dhe politikë të vendit. Mirëpo, shkrimi sqaron se regjimi ndaloi të gjitha fetë dhe predikimet fetare.
Pas rënies së regjimit në vitit 1991 dhe ardhjes së demokracisë, Shqipëria ka luftuar për të lënë pas të shkuarën.
“Politikanët e korruptuar, madje edhe gjykatësit kanë penguar rrugën e integrimit me pjesën tjetër të Europës Edhe disa ish-komunistë kanë arritur të jenë në pushtet me ardhjen e demokracisë”, thuhet në shkrimin e BBC.
Pjesë e këtij artikulli janë edhe gazetari Aleksandër Furrxhi, kreu i Dhomës së Tregtisë Nikolin Jaka, ambasadorja e BE-së në vendin tonë Romana Vlahutin dhe kryetari i Bashkisë Erion Veliaj. Sipas gazetarit Veliaj shihet si kryeministri i ardhshëm i vendit.
Gjatë bashkëbisedimit me gazetarin, Veliaj thotë: “Europa nuk mund të konkurrojë me Rusinë me bomba dhe avionë. Është marrëveshja dhe mirëkuptim ajo që bën Europën atë që është sot”./Shqip
