Skuadra e Bayern Munich është rikthyer në garën për transferimin e Elseid Hysaj, duke ofruar shumën prej 50 milionë euro.
Sipas mediave në Itali, skuadra gjermane është gati të ofrojë shumën prej 50 milionë euro për klauzolën e prishjes së kontratës me Napolin dhe për të marrë shërbimet e lojtarit.
Mbrojtësi shqiptar kërkohet edhe nga shumë skuadra të tjera në Liga të ndryshme si Juventus, Barcelona, Atletico Madrid, Manchester United dhe Arsenal.
Nëse skuadra e Bayern do të realizonte këtë transferim, atëherë Elseid Hysajn do të bëhej blerja më e shtrenjtë në Bundesligën Gjermane.
Transferimi më i shtrenjtë në Bundesligë është transferimi i mesfushorit Korentin Tolisso që u transferua nga Lyoni tek bavarezët për 41.5 milionë euro verën e kaluar.
Elseid Hysaj ka bërë një paraqitje të mirë tek skuadra e Napolit duke u shndrruar kështu edhe në një nga pikat më të forta të skuadres italiane.
