Kryetari i Partisë Demokratike Lulzim Basha organizoi sot një tryezë për arsimin e lartë në vend, ku edhe paraqiti platformën e së djathtës. Por ajo që ra në sy, ishte prezenca e Enkeleda Olldashit, bashkëshortes së ish-deputetit të ndjerë Sokol Olldashi.
Zonja Olldashi është pedagoge në Fakultetin e Drejtësisë, ndaj mbetet për t’u parë nëse prezenca e saj ka qenë vetëm si pedagoge, apo do të ketë një angazhim të mëtejshëm.
Pak kohë më parë, ishte djali i Enkeleda dhe Sokol Olldashit i cili paralajmëroi hyrjen në politikë pas përfundimit të studimeve. Ai madje është parë edhe në disa nga protestat e opozitës.
Sokol Olldashi ka qenë Ministër i Brendshëm dhe Ministrër i Infrastrukturës dhe Transporteve gjatë qeverisjes së Partisë Demokratike. Pas humbjes në vitin 2013, ai sfidoi Lulzim Bashën për postin e kreut të partisë./Opinion.al
