Asnjë prokurim publik nuk mund të bëhet nis që nga data 5 korrik dhe në vazhdim (pa afat). Vendimi është marrë nga Këshilli i Ministrave dhe është firmos nga kryeministri Edi Rama. Duket se kjo është një masë për të bllokuar fondet publike përsa kohë që në qeveri janë edhe partitë që tashmë kanë dalë në opozitë si PD (ministrat teknikë) dhe LSI (ish-parti në koalicion).
Në VKM thuhet se mund të bëhen vetëm prokurime me vlerë të vogël për nevoja emergjente. Vendimi përcakton se me kërkesë të argumentuar të titullarit të autoritetit kontraktor, për raste të veçanta dhe të nevojave urgjente, me miratimin e Kryeministrit, mund të lejohet vijimi i një procedure prokurimi. /Opinion.al
