Kryetari i Partisë Demokratike Lulzim Basha thotë se demokratët, të bashkuar, nuk kanë “asnjë dilemë për rrugën që kemi zgjedhur për t’i dhënë fund politikanëve të paprekshëm që duan ta mbajnë Shqipërinë në vendnumëro”.
Në një mesazh të postuar në rrjetet sociale, Basha ka shpërndarë fotot nga takimi që kishte me strukturat e degës nr.4 të PD në Tiranë.
“Demokratët janë të bashkuar, pa asnjë dilemë për rrugën që kemi zgjedhur në shërbim të njerëzve, për t’i dhënë fund politikanëve të paprekshëm që duan ta mbajnë Shqipërinë në vendnumëro.
Vendosmëria jonë për të sjellë një ndryshim të vërtetë, duke e nisur atë nga vetja, është shenja më e qartë e angazhimit të Partia Demokratike e Shqipërisë për të ndërtuar një të ardhme më të mirë për të gjithë!”-shkruan Basha./Opinion.al
