TIRANE- Kryetari i PD, Lulzim Basha ka dalë në një deklaratë për mediat për të sqaruar pozicionin e kësaj force politike në lidhje me Byronë e Hetimit.
Byroja e Hetimit, tha ai, është një task-force permanente, një instrument i përhershëm i prokurorisë për të hetuar korrupsionin tek zyrtarët e lartë. Sipas Bashës, drafti është rakorduar, ka qartësuar çdo dilemë. Ato që dëgjoni janë dilema të stisura për ti ikur përgjegjësisë.
“Drafti është parë edhe nga Komisioni i Venecias. Është bërë sipas sugjerimeve të ekspertëve amerikanë. Ne shprehim gadishmërinë tonë për ta votuar në Kuvend dhe nisjes pa vonesë të hetimit të zyrtarëve të lartë. Qëllimi i Ramës është ta lërë Byronë në varësi të Ministrisë së Brendshme. Kjo është e papranueshme për këtë qeveri sot dhe për qeverinë time nesër. Projektin e Ramës e ka rrëzuar edhe Gjykata Kushtetuese.
