Lulzim Basha i ka bërë thirrje kreut të akuzës, Adriat Llalla të mos e takojë ish-ministrin e Brendshëm Saimir Tahiri pasi ai është person i dyshuar si i përfshirë në trafikun e drogës. Emri i Tahirit ka dalë nga përgjigjet e një bande droge qe drejtohej nga kushëriri i tij, Moisi Habilaj. Policia italiane ka hetuar dhe ka arrestuar disa persona në lidhje me këtë trafik ndërsa dosja ka mbërritur edhe në prokurorinë shqiptare.
Statusi në facebook i Lulzim Bashës
Faktet dhe provat tronditëse të lidhjes se Edi Ramës dhe Saimir Tahirit me mafian e drogës dhe armëve janë para syve të çdo shqiptari. I bëj thirrje Prokurorit të Përgjithshëm të mos takohet me të dyshuarin Saimir Tahiri por të veproje pa vonesë për ta vënë atë para përgjegjësisë penale.
