Kreu i PD-së Lulzim Basha reagoi ashpër ndaj deklaratës së Ruçit se vendi po shkon drejt destabilitetit politik, duke kujtuar edhe vitin e errët 1997.
Nga çadra e protestës, Basha tha këtë të shtunë se kjo është protestë paqësore që nuk kërkon asgjë tjetër veçse zgjedhje të ndershme.
“Sot ky njeri (Rama) u thotë shqiptarëve o zgjedhje me krimin e drogën, ose përndryshe, ky kërcënon me destabilitet, ky dhe ustallarët (Ruçi) që i vunë flakën Shqipërisë 20 vite më parë, sot kërcënojnë këtë lëvizje paqësore, demokratike dhe popullore.
Surratsëz, fytyrat kriminale të Shqipërisë, turpi i Shqipërisë kërcënojnë sot popullin. Kërcënojnë këtë lëvizje qytetare dhe u thotë o të bëj zgjedhje fasadë, me krimin, me trafikantët, me deputetët dhe krerët e bashkisë, narkotrafikantë, përdhunues, vrasës me xhelatët e diktaturës ose do destabilizojë Shqipërinë, kë kërcënon mor surratsëz?
Kujt i kujton ‘97 ti? Këtu është lëvizja më europiane, më qytetare, më paqësore më demokratike për të shporrur krimin dhe kriminelët që janë destabilizimi”, u shpreh Basha.
