Kreu i Partisë Demokratike, Lulzim Basha, ka zhvilluar ditën e sotme një takim me strukturat e kësaj partie në Pukë.
Gjatë fjalës së tij, Basha është shprehur se qeveria e ka shkatërruar vendin në këto 6 vite, duke rritur papunësinë dhe varfërinë.
Kryedemokrati e ka cilësuar Parlamentin si landfillin e Republikës, ndërsa shtoi se çdo vendim i marrë prej tij, është kundër interesit publik.
Kreu i selisë blu tha se 30 qershori ishte një referendum, ku 85% e shqiptarëve nuk morën pjesë në zgjedhje, duke nënkuptuar kështu se ata kërkojnë largimin e Edi Ramës.
“Organizata e strukturuar kriminale e rilindjes, e shndërroi vendin në një moçal të papunësisë e të mjerimit, ku nuk ka më as punësim, as shanse për rininë, madje as krijim të familjeve të reja, siç informohem me shumë trishtim se po ndodh në Pukë e në të gjithë vendin. Janë vendime për të vjedhur buxhetin, për të vjedhur pasuritë e vendit, për të vjedhur pyjet, malet, lumenjtë, mineralet, naftën, bregdetin, me PPP, koncesione, tendera. Kanë shpikur gjithëfarë mënyrash vetëm një qëllim: vjedhjen dhe grabitjen e pasurive të shqiptarëve, vjedhjen dhe grabitjen e taksave të shqiptarëve, për hesap të 5 bandave kriminale dhe 5 oligarkëve, që përbëjnë qeverinë e vërtetë të hajdutit psiqik Edi Rama”, theksoi kreu i opozitës. Hajdutëria, babëzia dhe grabitja e shfrenuar që Rama dhe banda e tij i bëjnë Shqipërisë kanë prodhuar papunësi ekstreme, koston e jetesës më të lartë në rajon, të ardhurat më të ulëta për frymë, çmimet bazë të naftës, energjisë, të ujit, taksat në nivelet më të larta të rajonit. Ashtu siç patëm paralajmëruar, 30 qershori u kthye në një referendum kombëtar “Rama ik”, u kthye në një varrezë politike të organizatës kriminale dhe hajdute të Rilindjes. 85 % e shqiptarëve treguan përmasat e vërteta të shumicës së re në vend, të shumicës “Rama ik”. Ka ardhur koha ta shporrim këtë pakicë kriminale nga Puka dhe nga gjithë Shqipëria”, tha kreu i PD, Lulzim Basha./ Opinion.al E.Xh.
