Lulzim Basha në një konferencë për mediat këtë të enjte u pyet edhe për mundësinë e bashkimit të PD dhe mundësisë së një dialogu me grupimin e ish-kryeministrit Berisha.
Basha tha se nuk është grupimi i tij që ka përjashtuar bashkëpunimin dhe nuk ka pasur asnjëherë mungesë vullneti për të gjetur rrugë më të mira.
Basha theksoi se nuk është pala e tij që sulmon, ndërsa shtoi se mirëpret afrimin e atyre që duan të kontribuojnë për PD.
“E para, nuk jam unë ai që kam përjashtuar, dialogun, kordimin dhe bashkëpunim për një qëllim më të madh siç është përballja e mazhorancës, e cila është më e pushtetshme se kurrë edhe për shkak të dobësimit të opozitës.
Nuk ka pasur mungesë vullneti për të gjetur rrugë më të mira. Edhe Sali Berishës më 9 shtator, ke këto mërita, hiqu menjanë që të mos marri këto kosto, ti, të tutë, PD dhe Shqipëria.
Qëndrimet e mia nuk kanë të orientuar kundër një individi, por vetëm në interes të demokratëve.
Baltën që hedhin ndaj meje, e dinë fare mirë që kanë gënjeshtra, sepse ata kanë qenë dëshmitar i çmimit të lartë që ka paguar kryetari për të ruajtur interesin e PD.
Ajo që mund të them është se nuk jemi ne pala që sulmon, apo kundërshton mundësinë e bashkëpunimit.
Edhe në këtë moment po demostrojmë dëshirën për riaktivizimin të shumë potencialeve të pasivizuara si rezultat i luftës së brendshme dhe jo vetëm për ta pasur një bashkim, por të jemi ne gjendje të sjellim vullnetin bashkëkohor për ndryshim.
Kështu mirëpresim dhe nxisim afrimin e tyre që duan të kontribuojnë në PD e ardhshme.
Afatet për listat janë përcaktuar nga kodi zgjedhor dhe ne do t’i respektojmë ato”-tha Basha.
