TIRANË- Lideri demokrat duke folur në tryezën për reformën zgjedhore në vend ku në krah kishte Ramën dhe Metën por edhe ambasadorin e SHBA, Lu, tha se në vitin 2013 dhe në 2015 u ble vota, u ble parlamenti u ble gjithçka.
Pjesë nga fjala e bashës në tryezën për zgjedhjet
“Vlerësoj faktin se jemi sot këtu. Por këtu nuk jemi për shfaqje apo për deklarata politike. Korrupsioni është thelbi i çështjes së zgjedhjeve sepse shkakton korrupsionin në tendera, dogana koncensione. Pushteti dhe paraja janë të lidhura ngushtë jo vetëm këtu por edhe në botë. Këtu tek ne lidhja e parasë kriminale është shkaku i pushtetit të kapur. Ka qenë shqetësim edhe në të shkuarën por në 2013 u kthye në kërcënim. U testua blerja e votës në 2013 dhe zgjedhjet e Korçës u gjet çmimi, u shndërrua në poligonin e blerjes së votës. Policia dhe prokuroria heshti për blerjen e votës, ndërsa Parlamenti e amnistoi këtë krim. Në vitin 2015 blerja e votës ishte skemë industriale”.
