Ish-kryetari i P, Lulzim Basha është takuar pasditen e sotme me të rinjtë e Durrësit, nga ku ka folur për mënyrën se si mund të ringrihet PD dhe se si vendi mund të qeveriset më mirë.
Gjatë fjalës së tij, Basha tha se pavarësisht planeve që kanë për ta zhbërë PD, kjo forcë politike do të ringrihet pasi ka mbështetjen e qytetarëve.
Edhe pse nuk iu referua me emër Basha, la të kuptohej se zhbërjen e PD e do Edi Rama dhe Sali Berisha.
“Ta harrojnë ata që thurin plane se do e zhdukin PD, e kundërta do të ndodh se ne nuk kemi lindur për veten tonë, ne kemi lindur për njerëzit, po e rigjejmë udhën falë rinisë”, tha Basha.
Edhe në këtë takim, ai përsëriti 3 pikat e programit të tij politik, që nis me Vettingun në politik, listat e hapura dhe kufizimi i pushtetit të kryeministrit deri në 2 mandate.
