Nga mitingu përmbyllës në Dibër, kreu i opozitës Lulzim Basha deklaroi se Edi Rama ka kërkuar ndihmën e kriminelëve për të qëndruar në pushtet. Por këta kriminelë, sipas Bashës, nuk përfaqësojnë socialistët e ndershëm ata që dolën kundër braktisjes nga “Rilindja”, teksa folën në mitingun përmbyllës, në mbështetje të Sherefedin Shehut.
“Realitetin duhet ta shohin ashtu sic është, pazbukurime, pa genjeshtra të qeverisë. Ju e keni parë fytyrën e pushtetit, keni parë banda që vijnë vërdallë. Banditët që sillen si çamë, por s’kanë gjë të përbashkët me çamët, as me dibranët.Këta kriminelë përfaqësojnë partinë socialiste? Ata nuk përfaqësojnë socialistët e ndershëm. Unë i kam takuar ata, përfaqësuesit e tyre folën para jush. E treguan ndërshmërisht socialistët se ata nuk ndihen të përfaqësuar, dhe për ti thënë çdo dibrani: Socialistët e ndershëm distancohen nga krimi.”
Basha shtoi se Edi Rama e do Bashkinë e Dibrës si plaçkë për vjedhjen e tenderave.
Për Bashën, ishte Rama ai që ndaloi projektin e Rrugës së Arbrit sepse donte të merrte milionat e qeverisë kineze.
Duke e cilësuar kundërshtarin e tij shërbëtor të mafias, Basha u bëri thirrje dibranëve ta ndalin me votën e tyre, në emër të çdo shqiptari të ndershëm.
