Partia Demokratike ka reaguar pas deklaratës së Presidentit Ilir Meta se në vitin 2019 kreu i PD, Lulzim Basha i ka kërkuar në Gjermani anulimin e zgjedhjeve të 30 qershorit dhe protestës, pasi demokratët i kishin dalë jashtë kontrollit.
PD thotë se Meta nuk e përçan dot partinë nëpërmjet mashtrimeve dhe se e ia njeh “bëmat dhe gjëmat” presidentit.
Sipas selisë blu, Meta ka përdoru pushtetin në kurriz të qytetarëve dhe se demokratët nuk i kanë asnjë borxh për të t’i zgjidhur hallet presidentit
Deklaratë e Partisë Demokratike:
Përmes diversionit dhe mashtrimeve, mjetet e tij të zakonshme, Meta tenton të përçajë Partinë Demokratike. Demokratët e njohin mirë atë, ia dinë bëmat dhe gjëmat, se si e përdori pushtetin në kurriz të tyre dhe asnjë përpjekje e ulët për përçarje nuk do t’i funksionojë. Ne demokratët nuk i kemi asnjë borxh dhe nuk ia zgjidhim dot hallet e tij.
