TIRANE- Lideri demokrat Lulzim Basha ka mbledhur sot aleatët e koalicionit të djathtë, ku në përfundim të takimit ka dalë me një deklaratë të përbashkët. “Në kushtet kur persona me rekorde kriminale, bandidë me mandat deputeti po rrezikojnë jetën e njerëzve ne duhet të marrim masa”, tha Basha.
Ai përmendi rastin e djeshëm të rrahjes së kryetarit të PD-së, Peqin nga deputeti i PDIU Aqif Rakipi, pjesë e mazhorancës.
“Edi Rama është inspirues i dhunës me të cilët ka ardhur në pushtet dhe sot ka përballë aleancën opozitare”, tha Basha. Prioritet numër 1 i të gjitha prioriteteve është ai i zgjedhjeve të lira dhe të ndeshme”, shtoi lideri demokrat.
“Kjo është një ’97 pa plumba, krimi brenda e jashtë parlamentit ka kapur shtetin”, vijoi ai.
Basha tha se opozita e bashkuar do të shtohet së shpejti me parti të tjera.
