Një ndër pikat ‘e paketuara’ në Marrëveshjen Rama-Basha të 18 majit, është edhe vettingu që u bë kryefjala e debatit politik prej shumë muajsh.
“Votimi i organeve të vettingut dhe i legjislacionit të parashikuar në këtë marrëveshje, do të kryhet në të njëjtën seancë të jashtëzakonshme të parlamentit”, thuhet në njoftimin e dalë nga nënshkruesit e Marrëveshjes.
Kryeministrit Rama i bie kështu një prej kolonave të fushatës elektorale, ndërsa Bashës dhe opozitës ‘i hiqet njolla’ e kundërshtimit të Vetingut dhe Reformës në drejtësi, një sulm i preferuar i qeverisë.
