Lideri demokrat Lulzim Basha ka dalë përpara mbështetësve të tij dhe përpara shikuesve në TV një ditë pas deklaratës së bujshme të Metës për qeveri besimi.
Ai tha se është i hapur për të mirëpritur Metën, por pa bërë pazare politike.
Basha deklaroi “mbrëmë duke vendosur interesat parësore për Shqipërinë një nga dy partnerët e Qeverisë ka bërë zgjedhjen e tij, dhe ne i themi: në qoftë se kjo zgjedhje është e sinqertë mirësevjen nën moton “Shqipëria është e para”. Nuk kërkojmë pazare politike, aleanca të kurdisura”.
Po kështu kreu i PD-së, i bëri thirrje sërish Ramës të mos bllokojë dialogun politik.
“Ky është rasti ti drejtoj një thirrje të drejpërdrejtë njeriut që është identifikuar zyrtarisht dhe logjikisht si pengesa e zgjedhjeve të lira dhe të ndershme: të reflektojë dhe ti hapë rrugë përmes një dialogu politik një qeverie teknike me mbështetje të gjerë politike, e cila do zbatojë deri në fund ligjin për dekriminalizimin duke nxjerrë çdo person të inkriminuar nga çdo zyrë e shtetit”, tha sot Basha. /Opinion.al
