Kreu i PD-së Lulzim Basha ka reaguar ndaj thënieve të kryeministrit dhe kreut të PS-së, Edi Rama. Me një deklaratë për median, Basha thotë se cili prej tyre, Edvini apo Edi duhej që të kërkonte falje për futjen në listat e deputetëve dhe kryebashkiakëve njerëz me të kaluar kriminale.
Deklarata e plotë e Lulzim Bashës:
Edvini deri në 2002, apo Edi prej atij viti e këtej, duhej të kërkonte falje publikisht sot që doli në sytë e shqiptarëve se si ai ka zgjedhur me dorën e tij deputetë e kryetarë bashkie, që megjithëse kanë ndërruar disa emra, në secilin prej tyre kane një krim.
Nëse nuk e ka këtë minimum integriteti, të paktën sot të fshihej, duhej të mbyllte gojën. Por joooo, del e kakaris majë stivës së të zgjedhurve të inkriminuar, më të besuarve që ka. Dhe sfidon, a janë 19. Nëse jane fjala vjen 18, ai del i pastër. Po Frrokun vrasës, e quan?
Po Ndokën tutor e rrëmbyes, e quan? Hoqi nga lista dy gra për ta bërë deputet.
Po Mondin e gjakderdhjes në derë të komisariatit, kush e beri deputet? Apo e njeh për Armando. Te mos shkojmë tek Bushi e Roshi që nuk u dilte formulari për të treguar sa herë janë ndaluar nga policitë europiane për krime e droge.
Apo Tur Bardhi që edhe pse ka deklaruar plot 4 emra ka lënë edhe 2 emra pa deklaruar e ndaj e pret ndjekja penale dhe largimi njësoj.
Ka shume prej banditeve të Ramës që kanë fshehur të dhenat. Ne, bashkë me qytetarët do ti gjejmë. Do ta pastrojmë politiken nga kriminelet.
Po me të vërtetë ky është fillimi. Fillimi i fundit për Perandorinë e Krimit që ngriti në pushtet me dorën e tij Edi(vini).
