Kryesore

Basha e pranon: Më kanë propozuar ndyrshimin kufijve të Kosovës


               Publikuar në : 22:40 - 17/05/19 |
Opi Nion

Kryetari i Partisë Demokratike, Lulzim Basha, ka pranuar për herë të parë se dhe atij i është propozuar nga autoritetet serbe ndryshimi i kufijve mes Kosovës dhe Serbisë kur ishte ministër i Jashtëm.

Basha shprehet se në lidhje me këtë çështje ai ka informuar udhëheqësit e Kosovës si dhe partnerët ndërkombëtar.

Krydemokrati ka hedhur akuza ndaj kryeministri Edi Rama, duke thënë se “do t’i dëgjoja më vonë si ide origjinale nga goja e Edi Ramës dhe e Hashim Thaçit. Këtë nuk ma kishte marrë mendja kurrë”,-tha Basha.

“Në lidhje me historinë e hapjes sërish të diskutimit të kufijve. Një miku ynë i përbashkët, ish Minisitri i Jashtëm Besnik Mustafaj tha para pak ditësh se çdo ministri të jashtëm i është propozuar ndryshimi i kufijve të Kosovës. S’e kam thënë më parë, por po e them tani nga Londra: Po, po. Edhe mua më është propozaur. Kanë ardhur, në atë kohë,  autoritetet serbe dhe më kanë paraqitur idenë e ndryshimit të kufijve të Kosovës. Këtë e di unë, e di udhëheqja aktuale e Kosovës, se i kam informiar, e dinë partnerët tanë nga Uashingtoni në Londër, nga Brukseli në Berlin.

Ju thashë më parë që jam i tmerruar nga papërgjegjësia totale, me të cilën ata mendojnë se mund të rikthejnë kohën e Millosheviçit apo kohën e luftrave të periudhës së Kongresit të Berlinit. Këta mendojnë akoma si të jenë në shekullin e 19-të. Po kurrë nuk ma kishte marrë mendja se idetë që do të dëgjoja nga goja e Vuk Jeremiçit dhe Ivica Daçiç, do t’i dëgjoja më vonë si ide origjinale nga goja e Edi Ramës dhe e Hashim Thaçit. Këtë nuk ma kishte marrë mendja kurrë,”-është shprehur Basha./ Opinion.al E.Xh.

Pas