Kryetari i PD, Lulzim Basha tha se përpos dosjes së famshme “339” të bandës së Avdylajve ku nga përgjimet ka dalë edhe emri i Vangjush Dakos, ka edhe një dosje tjetër që do trondisë opinionin publik. Sipas tij është dosja e Dibrës, ku janë të përfshirë, ministra, ish-ministra dhe deputetë.
“Në dosjen e Dibrës, janë interceptuar në mënyrë ligjore janë krijuar prova dhe fakte, që Saimir Tahiri, Damian Gjiknuri dhe 4 deputetë të tjerë janë përfshirë në transaksione të ngjashme si te dosja “339”. Pra lidhje me banda dhe figura të krimit si Ymer Lala, për të ushtruar presion mbi zgjedhësit. Bëhet fjalë për masakrësn zgjedhore të 2016 që ishte prova gjenerale për skemën që u aplikua në zgjedhjet e 2017”, tha Basha.
Po sipas tij, arrestimi i Vangjush Dakos, siç ka propozuar grupi hetimor, është një hap i paevitueshëm, pa të cilin kolapsi total i prokurorisë dhe kapja e saj totale nga krimi faktohet para gjithë shqiptarëve. As Vangjush Dako, as Elvis Rroshi dhe as eksponentë të tjerë të dosjes 399 nuk mund të hetohen në liri”, deklaroi Basha.
“Prokuroria ka prova për bashkëpunimin e Vangjush Dakos me krimin. Dako ëshë kriminel i mirëfilltë, që ka bashkëpunuar me krimin e organizuar”, shtoi ai.
