Kreu i demokratëve Lulzim Basha ka reaguar përsëri në lidhje me protestën e sotme të opozitës. Ai thotë se shqiptarët duhet të protestojnë pasi qeveria ka shpërdoruar paratë publike për interesa privatë. Sipas liderit të opozitës gjysmë milioni shqiptarë janë larguar si azilkërkues ndërsa rreth gjysmë milioni të tjerë janë të papunë. Asnjë hap pas thekson në fund të mesazhit të tij Basha.
“500 mijë shqiptarë jetojnë si azilkërkues rrugëve të Europës. 450 mijë shqiptarë janë të papunë. Ndërsa: 2 miliardë euro janë harxhuar për 14 koncesione korruptive. Boll më me Shqipërinë që duan ata! Është koha për Shqipërinë e gjithë shqiptarëve! Asnjë hap pas! 21 qershor, ora 20.00 #shqiperiasieuropa” shkruhet në videomesazhin e Bashës.
Nga ana tjetër kryeministri Rama ka reaguar duke cituar vargjet e prozës së Migjenit “Idhuj pa krena”
“Në varrimin e idhujve të vjetër kumbonat kanë për të plasë së ramit, minaret kanë për të thye kurrizin së faluni dhe zhrecvet do t’u këputen telat e fytit së kënduari. Dhe do të vijë heshtja. Se çdo vikamë fillon e mbaron me heshtje. Mbasandaj do të fillojë puna” shkruan Rama pa bërë asnjë koment. /Opinion.al
