Kryetari i Partisë Demokratike, Sali Berisha zhvilloi një konferencë me gazetarët, ku foli për Lulzim Bashën dhe Taulant Ballën.
Ai u shpreh se Balla dhe Basha janë një binom i pandarë, si tymi dhe bloza.
Kujtojmë se rreth orës 10:00, kryedemokrati u paraqit në SPAK për zbatimin e masës “detyrim paraqitje”. Pas daljes nga ambientet e Prokurorisë së Posaçme, Berisha publikoi një pjesë të përgjimeve të dosjes “Toyota Auris”.
“Unë mendoj se thirrja ime kishte të bënte, dhe ka të bëjë, vetëm me njerëz të lirë. Të gjithë ata që janë të lirë dhe janë vetja e tyre, nga ’90 gjer sot, pavarësisht se çfarë kanë menduar dhe mendojnë aktualisht për Sali Berishën, janë të ftuar të bashkohen.
Por të më thoni ju për Lulzim Bashën, ju mund të më thoni edhe për Taulant Ballën pastaj. Taulant Balla dhe Lulzim Basha janë një binom i pandarë. Aq sa mund të ndash tymin nga bloza, aq mund të ndash këto dy persona.”,-tha Berisha.
