-U tha në Opinion

Basha: Çdo konçesion, i PD apo PS do të kalojë në sitën e ligjit antimafia


Bëhu pjesë e Grupit Zyrtar të Opinion.al
>> KËTU <<
               Publikuar në : 22:00 - 19/11/20 |
Al Do

Kreu i Partisë Demokratike Lulzim Basha deklaroi sot në studion e emisionit “Opinion” se kur të vijë në pushtet çdo kontratë koncesionare e PD dhe PS do të kalojë në sitën e ligjit të ri antimafia.

Basha denoncoi edhe njëherë kontratat e inceneratorëve dhe shtoi se prokuroria e SPAK është nën presion për të mos i hetuar ato.

Nëse drejtësia e re, nëse SPAK nuk do të ishte nën presion politik, të gjithë ata që qëndrojnë pas aferës së inceneratorëve, drejtuesi i një TV Kombëtar dhe pushtetarët më të lartë do të ishin pjesë e një maksiprocesi antimafia. Ligji antimafia, do anulojmë dhe do bëjmë te mundur rikuperimin e te ardhurave”, tha Basha.

Kreu i demokratëve tha se këto kontrata do të rrëzohen dhe buxheti i shtetit do të marrë mbrapsht humbjet. Basha tha se ligji anti-mafia do të ketë fuqi prapavepruese dhe do të përfshijë edhe kontratat e firmosura nga ministrat e Partisë Demokratike.

Nëse ka raste të tilla absolutisht çdo koncesion kushdo që ta ketë firmosur PD, ministrat e PD, kushdo që ta ketë firmosur do të ketë të njëjtin trajtim dhe ky është i shkruajtur në këtë platformë dhe do të jetë nesër ligj me efekt prapaveprues. ka një mekanizëm anti-mafia që i ka kaluar testit të gjykatës së Strasburgut nuk konsiderohet shkelje e të drejtave të njeriut nëqoftëse ka të bëjë me praktika të tilla. Çdo kontratë konçesionare pa përjashtim, e PD apo e PS do të kalojë në sitën e ligjit të ri antimafia.”, tha kreu i PD. /Opinion.al

Pas