Sekretari i Përgjithshëm i PD, Gazment Bardhi, ka akuzuar qeverinë se e ka lënë Shqipërinë në vend të fundit në rajon, sa iu takon ndihmave që i ka dhënën qytetarëve dhe biznesit.
Përmes një postimi në rrjete sociale, Bardhi shkruan se Rama iu dha shqiptarëve aq para sa sa paguan 2 oligarkë tek Unaza e Re, teksa theksoi se vendi ka 10 fishin e vendeve të punës.
“Për shkak të Ramavirusit, Shqipëria është vendi i fundit në rajon për ndihmën ndaj qytetarëve dhe biznesit. Edi Rama ka dhënë vetëm 41.5 milionë euro për 3 milionë shqiptarë, aq sa paguan 2 oligarkë tek Unaza e Re.
Gjendja është shumë e rënduar mga pandemia ekonomike, e shkaktuar prej një qeverie dhe kryeministri të dështuar. Bizneset po mbyllen dhe, bashkë me to, edhe vendet e punës.
Kemi humbur 10 fishin e vendeve të punës, në krahasim me vendet e rajonit, që do të thotë më shumë varfëri, më pak zhvillim. Shqiptarët nuk e meritojnë të jenë për gjithçka të fundit vetëm se kanë një qeveri që i vjedh dhe i braktis në ditën më të keqe.”, shkruan Bardhi./Opinion.al
