Kreu i grupit parlamentar të PD-së, Gazment Bardhi, ka publikuar këtë të martë në rrjetin social “Facebook”, posterin e protestës së 20 shkurtit të thirrur nga Partia Demokratike.
Në poster bëhet thirrje për pjesëmarrje në orën 17:30 në protestën që do mbahet në bulevardin ‘Dëshmorët e Kombit’.
Motoja e protestës do të jetë ‘O sot, o kurrë’. Ajo zhvillohet në kuadër të fushatës: Opozita në aksion.
Një ditë më parë, Bardhi dhe grupi i deputetëve u rikthyen në selinë e PD, ku morën pjesë në mbledhjen e grupit dhe atë të Këshillit Kombëtar.
Në një deklaratë për mediat nga selia blu ai u shpreh se grupi parlamentar i PD është kthyer i bashkuar në shtëpinë e vet.
