Sekretari i Përgjithshëm i Partisë Demokratike, Gazment Bardhi në një prononcim për mediat ka folur lidhur me humbjen e zgjedhjeve të 6 marsit.
Ai tha se duhet të bëhet një analizë dhe reflektim serioz mbi këtë problem, sipas Bardhit ky problem nuk zgjidhet me largimin nga PD.
“S’mund të dalësh në konkluzione për përgjegjësi pa një proces reflektimi. Secili që del në këto konkluzione pa arritur reflektimit, nënkupton se nuk vë të parin interesin e demokratëve. Kam zgjedhur të shprehem në institucione. Do të shprehem kur të mblidhet kryesia e PD. Këto ditë i kam shfrytëzuar për analizë, reflektim që qëndrimi që do të duhej të mbajë kryesia dhe institucionet e partisë, të jenë në shërbim të demokrateve dhe PD. Nëse e gjithë gjendja në të cilën ndodhet sot PD dhe biem dakord të gjithë demokratët, pavarësisht ese ku jemi pozicionuar, është gjendje që e ka dëmtuar dhe po e dëmton PD. Për këtë arsye procesi i analizës dhe reflektimit duhet të jetë serioz, s’mund të jetë çështje karrigesh, por është çështje përgjegjësi në raport me demokratët. Nuk mendoj dhe nuk besoj se gjithsecili prej nesh nuk ka përgjegjësi për situatën në të cilën ndodhet PD. Por duke iu ikur përgjegjësive nuk është zgjidhja”,-tha Bardhi./Opinion.al
