Deputeti i Partisë Demokratike, Gazment Bardhi ka reaguar pas deklaratave të ish-kryeministrit Sali Berisha për deputetin kristiano-demokrat në Parlamentin gjerman, Gunther Krichbaum.
Ky i fundit deklaroi me 19 maj për DW se nuk do të bashkëpunojnë me PD-në, nëse ajo i kthehet së shkuarës.
Në një reagim në Twitter, Bardhi shkruan se Berisha duhet ët dëgjojë apelin e ndërkombëtarëve dhe duhet të ndalë pengmarrjen e PD.
Ndër të tjera deputeti i PD shkruan se Berisha “nuk mund të fshihet dhe të bëjë sikur nuk dëgjon dhe nuk kupton. Ky është momenti që të mos bëjë sikur nuk kupton se po e fut Partinë Demokratike në një rrugë pa krye, duke e izoluar ndërkombëtarisht”.
“SB duhet të dëgjojë apelin e partnerëve ndërkombëtar dhe të ndal pengmarrjen e PD për interesa të tij. Pas qëndrimit të qartë të ??, tashmë edhe partnerët ?? po flasin për rrezikun e izolimit të PD nëse Sali Berisha vijon me projektin për marrjen peng të PD.
Ndërkohë Gunther Krichbaum deputet i CDU/CSU në Bundestag, dhe një mik dhe zë mbështetës i PD për shumë vite, ka bërë të qartë se: nëse PD dëshiron të bashkëpunojë në nivel ndërkombëtar, por edhe të marrë në dorë drejtimin e vendit, duhet të mos kthehet tek e shkuara.
Sali Berisha nuk mund të fshihet dhe të bëjë sikur nuk dëgjon dhe nuk kupton. Ky është momenti që të mos bëjë sikur nuk kupton se po e fut Partinë Demokratike në një rrugë pa krye, duke e izoluar ndërkombëtarësh dhe duke çimentuar në këtë mënyrë regjimin e Edi Ramës”,-shkruan Bardhi./Opinion.al
