Trajneri Ernesto Valverde do të vazhdojë të jetë në krye të Barcelonës edhe në sezonin e ardhshëm.
Lajmi konfirmohet nga vetë presidenti i Barcelonës, Josep Maria Bartomeu ku gjatë një interviste për radion “RAC 1” ka thënë se do të vazhdojnë me trajnerin Valverde edhe sezonin e ardhshëm.
“Valverde do të jetë trajner i Barcelonës edhe sezonin e ardhshëm. Ai dëshiron që të qëndrojë me ne dhe unë në asnjë moment nuk e kam menduar largimin e tij”, ka thënë presidenti i Barcelonës.
Gjithashtu Bartmeu bëri edhe një vlersim për sezonin e Barcelonës, ku ka mbetur shumë i kënaqur nga skuadra dhe puna e trajnerit.
“Sezonit i vë notën 9, ishte i shkëlqyer. Por, të kishim vijuar rrugëtimin në Champuions League do të merrnim fletë lavdërimi. Fituam 2 tituj, me rekord të pathyeshmërisë, jemi shumë të kënaqur” ka shtuar më tej Bartomeu.
Këtë sezon Barcelona fitoi titullin kampion të Spanjës, si dhe Kupën e Mbretit.
