Italia jashtë, hendeku i përfitimeve, por jo vetëm, i klubeve të futbollit në Apenine me vendet e huaja vazhdon të zgjerohet. Kështu njofton sot prestigjiozja sportive italiane, “Gazzetta dello Sport”. Sipas saj, është koha për të bërë njoftimet e para rreth bilanceve të sezonit të kaluar. “Ke zili të lexosh shifrat e Barcelonës: klubi blaugrana ka njoftuar “prodhimin” e saj rekord, prej 679 milionë eurosh, duke përfshirë edhe fitimin. Pa ato, shitjet neto arritën në rreth 630 milionë euro (nesër do të zyrtarizohen në një konferencë shtypi).
Barcelona ka tejkaluar kështu, për herë të parë, Real Madridin, i cili duhet të ketë regjistruar 620 milionë euro nga shitjet neto në sezonin 2015-2016 dhe ka qenë në krye të renditjes së klubeve europiane të futbollit për të ardhurat gjatë 11 sezoneve rresht. Por, të dy klubet spanjolle, pothuajse me siguri do të jenë të ndjekura nga Manchester United, që ka për qëllim të zërë një vend sa më të lartë në këtë renditje, për arsye të bumit të të drejtave televizive në Premier Ligë dhe kontratave të reja me “Adidas” e “Chevrolet”.
